Events

හිටපු විදුහල්පතිතුමාගේ නික්ම යාම….

2016 වර්ෂයේ ජුලි මස සිට සිද්ධාර්ථ විද්‍යාලයට මහා මෙහෙවරක් ඉටු කළ විදුහල්පති එල්. එච්. කරුණාසේන මහතා 2018.09.09 දින සිය විශ්‍රාම දිවියට පා තැබු අතර අභිනව විදුහල්පති වශයෙන් එන්. බී. ජයලත් මහතා පත්විය. විද්‍යාලයේ සිසු දරුවන් විසින් එතුමා වෙනුවෙන් උපහාර උළෙලක් පැවැතිවිණි.

එතුමා අප පාසලතුල සේවය කළ කාලය තුළ දී විද්‍යාලයේ සිසු දරුවන්ගේ අභිවෘද්ධිය වෙනුවෙන් කාර්යයන් රැසක් ඉටු කරන ලදි ඒ අතර ආපනශාලාව, පුස්තකාලය, ගෘහ විද්‍යාගාරය, පරිපාලන ඒකයය, මාධ්‍ය ඒකකය, පොත්ගබඩාව, ප්‍රධානශාලාවේ වේදිකාව හා ගුරු විවේකාගාරය නවීකරණය කිරීම ආදිය එතුමාගේ නිල කාලය තුල සිදු වූ විශාල මෙහෙවරින් කොටසකි. තවද පාසලේ සිසුන්ගේ අධ්‍යාපනය හා විනය නිසි අයුරින් පවත්වා ගැනීමටත් ශිෂ්‍ය සුභ සාධනය ඉහළ නංවා ගැනීමටත් එතුමාගේ මෙහෙය වීම යටතේ වැඩසටහන් රැසක් ක්‍රියාත්මක කරන ලදි.

එතුමාගේ විශ්‍රම දිවිය නිදුක් නිරෝගි සුවභර ප්‍රීතිමත් වේවා යැයි අපි ප්‍රාර්ථනා කරමු……

විද්‍යා ප්‍රදර්ශණය -2018

අප විද්‍යාලයේ 9 ශ්‍රේණීය විද්‍යා විෂයය භාර ගුරුභවතුන්ගේ මෙහෙය වීම යටතේ සිසු දරුවන් විසින් පාසලේ අනෙකුත් දරුවන්ගේ විද්‍යා දැනුම ඉහළ නැංවීම සඳහා විද්‍යා ප්‍රදර්ශණයක් පැවැත්වීණි.

 

පොසොන් පෝය දින වැඩසටහන්

අද දින පාසලේ සිසුන් 900 කට වඩා වැඩි ප්‍රමාණයක් පොසොන් පොහොය දිනය නිමිත්තෙන් සිල් සමාදන් වු අතර දානමය කටයුතු සදහා දෙමාපියන් හා ගුරුමණ්ඩලය දායකත්වය දක්වන ලදි..

මෙහි දී භාවනා වැඩසටහන්, ධර්මදේශනා සහ සුවිශේෂි සක්මන් භාවනා වැඩසටහනක් පවත්වන ලදි.

මෙම වැඩසටහන සාර්ථක කර  ගැනීමට අධ්‍යයන හා අනධ්‍යයන කාර්යමණ්ඩලය මෙන්ම දෙමාපිය හා විද්‍යාලයේ බාල දක්ෂ සංගමයේ සහයෝගය නොමදව ලැබුණි.

Vedio..

නර්තන අංශයේ ජයග්රිහණ..

අප විද්‍යාලයෙන් ඉදිරිපත් වූ නර්තන කණ්ඩායම් දෙකකටම සමස්ත ලංකා ජයග්‍රහණ හිමිකර ගැනීමට හැකි වූ අතර එහිදී පළමු කණ්ඩායම විසින් පහතරට දෙවොල් සමූහ පිරිමි කනිෂ්ඨ අංශයේ සමස්ත ලංකා තෙවන ස්ථානය හිමිකර ගත් අතර දෙවන කණ්ඩායම විසින් පහතරට සමූහ බලි නර්තනයෙන් සමස්ත ලංකා දෙවන ස්ථානය හිමිකර ගන්නා ලදි.

මෙහිදි සිසු පුහුණු කිරිම් වෙනුවෙන්, විද්‍යාලයීය නර්තන අංශයභාර ආචාර්ය ඉන්දිකා කල්‍යණි මහත්මිය ඉතා වෙහෙසක් හා කැපවීමක් සිදු කළ අතර ඒ පිළීබදව එතුමියට විද්‍යාලයේ සැමදෙනාගේම ස්තූතිය හිමිවන අතර මෙම ජයග්‍රහණ සදහා අවශ්‍ය දායකත්වයන් හා සහයෝගය දැක්වූ විදුහල්පති තුමා ඇතුලු සියලු දෙනාට ද අප සැමගේ ස්තූතිය හිමි වේ..

රුහුණු තෙලි සිදු සිංහාසන සටන – 2018

තෙලි සිදු මහා ක්‍රිකට් තරගාවලිය මෙවර 2018 මැයි මස 31 වන දින සිව්වැනි වරටත් මාතර උයන්වත්ත ක්‍රීඩාංගණයේ දී පැවැත්වීය. 2015 වර්ෂයේ ප්‍රථම වතාවට ආරම්භ කල මෙම මහා ක්‍රිකට් තරගාවලිය  ආරම්භයේ දී රුහුණු තෙලි සිදු සටන ලෙස හදුන්වන ලද අතර මෙවර සිට එය තෙලි සිදු සිංහාසන සටන (Battle of the Throne) නමින් හදුන්වනු ලැබේ…

වාර්ෂික ක්‍රීඩා උත්සවය – 2018

අප විද්‍යාලයේ වාර්ෂික ක්‍රීඩා උත්සවය පෙබරවාරි මස 07 වන දින වැලිගම සේනානායක ක්‍රීඩාංගනයේ දී පැවැත් වූ අතර එදින උදැසන 9 සිට පස්වරු 6 පමණ තෙක් උත්සවයේ කටයුතු පැවතිණි. විජය, ගැමුණු, පරක්‍රම හා තිස්ස නිවාස යටතේ සිසුන් ක්‍රීඩා කටයුතු වල යෙදුනු අතර මෙවර පරාක්‍රම නිවාසය ජයග්‍රහණය ලැබීය. මෙම උත්සව අවස්ථාවට දකුණු පළාත් අධ්‍යාපන අධ්‍යක්ෂක කිත්සිරි දිසානායක මැතිතුමා ප්‍රධාන ආරාධිත ලෙස සහභාගී වූ අතර අනිකුත් ආරාධිත අමුත්තන් ලෙස කොට්ඨාෂ අධ්‍යපන අධ්‍යක්ෂිකා කමලා මීගහවත්ත මැතිණිය ඇතුලු අමුත්තන් රැසක් සහභාගී විය.


The Annual Sports  Meet of Siddhartha National College was held on 7th February  2018 at the Senanayaka ground, Weligama. It was commenced at 9.00 a.m and it lasted until 6.00 p.m.Vijaya,Gemunu,Parakrama and Thissa are the four houses of our school and the Parakrama house got the victory by challenging all the other houses.The Chief Guests of this grand occasion were the Provincial Director  of   Education, MR. Kithsiri Dissanayake, the Divisional Director  of  Education, Mrs. Kamala Meegahawaththage, Venerable  theroes and other responsible authorities .


වාර්ෂික දානමය පිංකම……

 අප විද්‍යාලයේ නිර්මාතෘ මුදලිඳු ඩී.එම්. සමරවීර මැතිතුමාගේ ගුණානුස්මරණ උත්සවයට සමගාමිව පැවැත්වෙන වාර්ෂික දානමය පිංකම මෙවරත් පෙබරවාරි මස 02 වන දින පැවැත්විණි. දෙමාපියන් හා පාසල් අධ්‍යයන හා අනධ්‍යයන කාර්ය මණ්ඩලයේ දායකත්වයෙන් මෙම පිංකම පැවැත්විණි… එදින ස්වාමින් වහන්සේලා 15 නමකට දානය පිරිණැමීම සිදුවිය..

MR/Siddhartha College annually held the alms giving in the month of February to commemorate the pioneer of our school, Mudalindu Samaraweera. This is a very special occasion and almost all the students,parents and teachers actively participate in giving their helping hands to make the occasion successful.Mainly, the principal and the other authoritative members dedicate theirvaluable time to succeed the occasion.

පරිත්‍යාග…2018

2018-01-11 දින  බ්‍රිතාන්‍ය ජාතික Maurice Scott Weightman මහතා විසින් විද්‍යාලයේ සිසු දරුවන් සදහා අධ්‍යාපනික උපකරණ හා ක්‍රීඩාවෙන් දක්ෂතා දක්වන සිසුන් සදහා මූල්‍ය  පරිත්‍යාගයන්  කරන ලදි. මීට පෙර සිට ද විවිධ අවස්ථාවල අප සිසු දරුවන් වෙනුවෙන් කැප වන එතුමන්ට අපගේ කෘතඥතාව පළ කරමු.

වාර්ෂක ක්‍රීඩා උත්සවය…2018

අප විද්‍යාලයේ වාර්ෂක ක්‍රීඩා උත්සවය පෙබරවාරි මස 07 වන දින  පැවැත්වීමට කටයුතු සූදානම් කර ඇති  අතර අනිකුත් කණ්ඩායම් තරග වන ක්‍රිකට්, වොලිබෝල් හා එල්ලේ තරග මේ වන විට පවත්වා අවසන් කර ඇත. මූලික පිටියේ තරග පෙබරවාරි මස  01 දින ද, පාපන්දු තරග පෙබරවාරි මස 02 වන දින ද, අවසන් තරග 07 වන දිනයන් හි යෙදීමට කටයුතු යොදා ඇත.

මැරතන් ධාවන තරගය

2018-1-26 වන දින අප විද්‍යාලයේ වාර්ෂක ක්‍රිඩා උත්සවයේ තරග ඉසව්වක් වන මැරතන් ධාවන තරගය පවත් වන ලද අතර පෙ.ව. 7.00 ට පමණ විද්‍යාලය අසලින් ආරම්භ කල තරගය එය පැලෑන වට රවුම හා කුඹල්ගම මං සන්ධිය හරහා පැමිණ කුෂ්ඨරාජගල අසලින් අවසන් වන ලදි.